لماذا اكتب في المنتدى ؟؟؟؟؟؟؟؟!

من طرف **جنة** 2008-07-26, 13:35

لماذا اكتب في المنتدى ؟؟؟؟؟؟؟؟
!
السلام عليكم ورحمه الله وبركاته
طبعاً الكل مستغرب لعنوان الموضوع

بدون ما اطول عليكم
انا عاوزه اوصل لكل الاعضاء رساله بسيطه
طبعا كلنا بنكتب مواضيع وبنزعل لو محدش قرأها
عاوزه اقولكم لا متزعلوش

عاوزكم قبل ما تكتبوا اى موضوع
اولاً : تفكروا الهدف من كتابه الموضوع ولو قولنا الهدف صدقه جاريه مثلا
يبقى طول ما المنتدى دا مفتوح انت بتاخد حسنات حتى لو محدش قرأ الموضوع انت بتاخد حسنات

عشان كدا انا عاوزه كل الى يكتب موضوع يكون هدفه وجه الله فقط مش الاعضاء بس الى يقرؤ الموضوع
وثانياً : المنتدى بيظهر في بحث جوجل يعنى مثلاً اكتب منتديات جنة الرحمن في جوجل هيجيلك المنتدى اول رابط

يعنى الموضيع بتظهر لكل الناس وكل الى بيدور على معلومه وبيبحث عنها ممكن يظهرلو موضوعك بكل سهوله ويقرئها ويمشي عادى من غير مايرد على الموضوع ويقول تقيم للموضوع

وفي النهايه انا بطلب من كل الاعضاء يضعو نيه الصدقه الجاريه والعلم المنتفع به عند كتابه المواضيع
وتذكروا قول الرسول (ص ) (( اذا مات ابن ادم انقطع عمل الا من ثلاث : صدقه جاريه علم ينتفع به ولد صالح يدعو له ))

طبعا لو كل واحد فينا حط النيه دى يبقى هيحصل على حسنات كتيييييييير قوى
وانا نفسي لما انشأت المنتدى دا كانت هى دى نيتى انى اقدم علم ينتفعى بي وصدقه جاريه بعد لما اموت
يمكن ملقيش حد يدعيلى محدش عارف الظروف

ارجوا انكم تكونوا استفادتم من الموضوع ومكنش طولت عليكم

السلام عليكم ورحمه الله وبركاتة